മാഞ്ചസ്റ്റർ സിറ്റി താരം കെവിൻ ഡി ബ്രൂയിൻ ഇറ്റാലിയൻ ക്ലബ്ബായ നാപ്പോളിയിലേക്ക് മാറാനൊരുങ്ങുകയാണെന്ന് സൂചന. അദ്ദേഹത്തിന്റെ പ്രതിനിധികൾ കരാർ അന്തിമമാക്കുന്നതിനായി ഇറ്റലിയിലേക്ക് തിരിച്ചിട്ടുണ്ട് എന്നാണ് റിപ്പോർട്ടുകൾ. മൂന്ന് വർഷത്തെ കരാറാണ് ഡി ബ്രൂയിനായി നാപ്പോളി വാഗ്ദാനം ചെയ്യുന്നത്.
മാഞ്ചസ്റ്റർ സിറ്റിയിൽ ഇതിഹാസ തുല്യമായ പത്ത് വർഷത്തെ കരിയറിന് ശേഷമാണ് ബെൽജിയൻ മധ്യനിര താരം പുതിയ മേച്ചിൽപ്പുറം തേടുന്നത്. 2025 ജൂൺ 30-ന് സിറ്റിയുമായുള്ള കരാർ അവസാനിക്കുന്ന ഡി ബ്രൂയിനായി നിരവധി ക്ലബ്ബുകൾ രംഗത്തുണ്ടായിരുന്നു.
അമേരിക്കൻ മേജർ ലീഗ് സോക്കർ (MLS) ക്ലബ്ബുകളും സൗദി ക്ലബ്ബുകളും താരത്തിൽ താൽപ്പര്യം പ്രകടിപ്പിച്ചിരുന്നെങ്കിലും, നാപ്പോളിയാണ് ഇപ്പോൾ മുന്നിട്ട് നിൽക്കുന്നത്.
നാപ്പോളി പ്രസിഡന്റ് ഔറേലിയോ ഡി ലൗറന്റിസ് തന്നെ ഡി ബ്രൂയിൻ നാപ്പോളിയിലേക്ക് എത്തുമെന്ന ശുഭാപ്തിവിശ്വാസം പ്രകടിപ്പിച്ചിരുന്നു. .
