ഡൽഹി ക്യാപിറ്റൽസ്
ഐപിഎൽ 2025 പുനരാരംഭിക്കുന്നതിന് മുന്നോടിയായി ഡൽഹി ക്യാപിറ്റൽസിന് തിരിച്ചടി. ഓസ്‌ട്രേലിയൻ ബാറ്റർ ജേക്ക് ഫ്രേസർ-മക്ഗർക്ക് ടീമിനൊപ്പം വീണ്ടും ചേരില്ലെന്ന് തീരുമാനിച്ചു. 9 കോടി രൂപയ്ക്ക് വാങ്ങിയ ഫ്രേസർ-മക്ഗർക്കിന് ഈ സീസണിൽ മികച്ച പ്രകടനം കാഴ്ചവെക്കാൻ കഴിഞ്ഞിരുന്നില്ല.
ആറ് മത്സരങ്ങളിൽ നിന്ന് 55 റൺസ് മാത്രം നേടിയ താരം കഴിഞ്ഞ സീസണിലെ ഫോമിലേക്ക് ഇത്തവണ എത്തിയില്ല. സിഎസ്കെയുടെ ജാമി ഓവർട്ടണിന് ശേഷം ടൂർണമെൻ്റിൽ നിന്ന് പിന്മാറുന്ന രണ്ടാമത്തെ വിദേശ താരമാണ് ഇദ്ദേഹം.
പ്ലേഓഫ് സാധ്യത നിലനിർത്തുന്ന ഡൽഹി ക്യാപിറ്റൽസ് ഇപ്പോൾ മിച്ചൽ സ്റ്റാർക്ക്, ഫാഫ് ഡു പ്ലെസിസ്, ട്രിസ്റ്റാൻ സ്റ്റബ്സ് എന്നിവരുടെ ലഭ്യതയെക്കുറിച്ചുള്ള അനിശ്ചിതത്വത്തിലും ആണ്. ദക്ഷിണാഫ്രിക്കയുടെ ലോക ടെസ്റ്റ് ചാമ്പ്യൻഷിപ്പ് ഫൈനൽ ടീമിൽ അംഗമായ സ്റ്റബ്സ്, യഥാർത്ഥ എൻഒസിയിൽ നിശ്ചയിച്ചിരുന്ന മെയ് 25 ന് ശേഷം ടീമിനൊപ്പം തുടരാൻ സാധ്യതയില്ല.
