ലയണൽ മെസ്സി ഗോൾ നേടിയെങ്കിലും മിനസോട്ട യുണൈറ്റഡിനോട് ഇന്റർ മയാമി 4-1ന് ദയനീയമായി പരാജയപ്പെട്ടു. മത്സരത്തിൽ ആതിഥേയരായ മിനസോട്ടയുടെ ആധിപത്യം വ്യക്തമായിരുന്നു. ബോംഗോകുഹ്‌ലെ ഹ്ലോങ്‌വാനെ (32′), ആന്റണി മാർകനിച്ച് (45+2′), മാർസെലോ വെഗാൻഡിന്റെ സെൽഫ് ഗോൾ (68′), റോബിൻ ലോഡ് (70′) എന്നിവരാണ് മിനസോട്ടയ്ക്കായി ഗോളുകൾ നേടിയത്.
മെസ്സിയുടെ ഗോൾ മയാമിക്ക് ഒരു തിരിച്ചുവരവിന് പോലും സഹായിച്ചില്ല. മത്സരത്തിലുടനീളം മയാമിയുടെ പ്രതിരോധം ദുർബലമായിരുന്നു. ഈ തോൽവിയോടെ ഇന്റർ മയാമി 21 പോയിന്റുമായി എംഎൽഎസ് ഈസ്റ്റേൺ കോൺഫറൻസ് പട്ടികയിൽ നാലാം സ്ഥാനത്ത് തുടരുകയാണ്.
