രണ്ട് ദശാബ്ദക്കാലത്തെ ബന്ധത്തിന് വിരാമമിട്ട്, ട്രെൻ്റ് അലക്സാണ്ടർ-അർനോൾഡ് ഈ 2024-25 സീസൺ അവസാനത്തോടെ ലിവർപൂൾ എഫ്‌സി വിടുമെന്ന് ഔദ്യോഗികമായി സ്ഥിരീകരിച്ചു.
തിങ്കളാഴ്ച കളിക്കാരനും ക്ലബ്ബും പുറത്തിറക്കിയ പ്രസ്താവനയിൽ, ഈ വേനൽക്കാലത്ത് കരാർ അവസാനിക്കുന്ന 26-കാരൻ്റെ തീരുമാനം ലിവർപൂൾ സ്ഥിരീകരിച്ചു
തുടർച്ചയായ വിജയ കാലഘട്ടത്തിൽ ട്രെൻ്റ് നൽകിയ സംഭാവനകൾക്ക് ഞങ്ങളുടെ നന്ദിയും അഭിനന്ദനവും അറിയിച്ച് അവൻ ക്ലബ് വിടും എന്ന് ലിവർപൂൾ പ്രസ്താവിച്ചു.
ആറാം വയസ്സിൽ റെഡ്‌സിൻ്റെ അക്കാദമിയിൽ ചേർന്ന അലക്സാണ്ടർ-അർനോൾഡ് 2016-ൽ സീനിയർ അരങ്ങേറ്റം നടത്തി. അതിനുശേഷം 351 മത്സരങ്ങളിൽ നിന്ന് 23 ഗോളുകളും 92 അസിസ്റ്റുകളും അദ്ദേഹം നേടി.
ആൻഫീൽഡിൽ കളിക്കുന്ന കാലത്ത്, പ്രീമിയർ ലീഗ്, ചാമ്പ്യൻസ് ലീഗ്, എഫ്എ കപ്പ്, രണ്ട് ലീഗ് കപ്പ് എന്നിവ നേടാൻ അദ്ദേഹം ടീമിനെ സഹായിച്ചു. ലിവർപൂൾ 30 വർഷത്തെ ലീഗ് കിരീട കാത്തിരിപ്പിന് അന്ത്യം കുറിച്ച 2019-20 സീസണിൽ അദ്ദേഹത്തെ പിഎഫ്എ യംഗ് പ്ലെയർ ഓഫ് ദി ഇയർ ആയി തിരഞ്ഞെടുത്തിരുന്നു.
അദ്ദേഹം അടുത്തതായി ഏത് ക്ലബ്ബിലാകും കളിക്കുക എന്നതിനെക്കുറിച്ച് ഇതുവരെ പ്രഖ്യാപനമൊന്നും ഉണ്ടായിട്ടില്ലെങ്കിലും, വരും ദിവസങ്ങളിൽ ഊഹാപോഹങ്ങൾ ശക്തമാകുമെന്ന് പ്രതീക്ഷിക്കുന്നു. റയൽ മാഡ്രിഡിലേക്ക് ആകും ട്രെന്റ് പോവുക എന്നാണ് റിപ്പോർട്ടുകൾ.
