ഗോകുലം കേരളയെ തോൽപ്പിച്ച് എഫ് സി ഗോവ സൂപ്പർ കപ്പിൽ ക്വാർട്ടർ ഫൈനലിലേക്ക് മുന്നേറി. ഒഡീഷയിൽ നടന്ന മത്സരത്തിൽ എതിരില്ലാത്താ മൂന്നു ഗോളുകൾക്ക് ആയിരുന്നു ഗോവയുടെ വിജയം.
ആദ്യ പകുതിയിൽ തന്നെ ഗോകുലം കേരള 2 ഗോളുകൾക്ക് പിറകിലായിരുന്നു. 23ആം മിനുറ്റിൽ ഒരു പെനാൽറ്റിയിലൂടെ ഐകർ ഗോവയെ മുന്നിൽ എത്തിച്ചു. പിന്നാലെ 35ആം മിനുറ്റിൽ ഐകർ തന്നെ ലീഡ് ഇരട്ടിയാക്കി. ഗോകുലം കേരളക്ക് ഈ ഗോളുകൾക്ക് മറുപടി നൽകാൻ ആയില്ല. അവസാനം 84ആം മിനുറ്റിൽ വീണ്ടും ഐകർ ഗോൾ നേടിയതോടെ ഗോവയുടെ ജയം പൂർത്തിയായി.
