ലിവർപൂൾ ഇംഗ്ലീഷ് പ്രീമിയർ ലീഗ് കിരീടത്തിൽ തങ്ങളുടെ ആദ്യ കൈ വെച്ചു എന്ന് പറയാം. ഇന്ന് ലെസ്റ്റർ സിറ്റിയെ തോൽപ്പിച്ചതോടെ അവർക്ക് ഇനു കിരീടം നേടാൻ 3 പോയിന്റ് കൂടെയേ ആവശ്യമായുള്ളൂ. ഇന്ന് നടന്ന മത്സരത്തിൽ എതിരില്ലാത്ത ഒരു ഗോളിനാണ് ലിവർപൂൾ വിജയിച്ചത്.
ഇന്ന് ഗോൾ കണ്ടെത്താൻ പ്രയാസപ്പെട്ട ലിവർപൂളിനായി സൂപ്പർ സബ്ബായി എത്തിയ അലക്സാണ്ടർ അർനോൾഡ് ആണ് ഗോൾ നേടിയത്. 76ആം മിനുറ്റിൽ ആയിരുന്നു അർനോൾഡിന്റെ ഗോൾ. ഈ ഗോൾ ലിവർപൂളിന്റെ വിജയം ഉറപ്പിച്ചു.
ഈ ജയത്തോടെ ലിവർപൂളിന് 33 മത്സരങ്ങളിൽ 79 പോയിന്റുണ്ട്. ഇനി 3 പോയിന്റ് കൂടെ നേടിയാലോ ആഴ്സണൽ പോയിന്റ് ഡ്രോപ്പ് ചെയ്താലോ ലിവർപൂളിന് കിരീടത്തിൽ എത്താം. ഇന്ന് പരാജയപ്പെട്ടതോടെ ലെസ്റ്റർ സിറ്റി പ്രീമിയർ ലീഗിൽ നിന്ന് റിലഗേറ്റ് ആയി.
