ഒരു മാസത്തെ പരിക്കിന് ശേഷം തിരിച്ചെത്തിയ നെയ്മർ ജൂനിയറിന്, ഇന്ന് പുലർച്ചെ നടന്ന സാന്റോസിന്റെ മത്സരത്തിൽ വീണ്ടും പരിക്ക്. 34 മിനിറ്റിനുള്ളിൽ താരം പരിക്ക് കാരണം കളം വിടേണ്ടിവന്നത് ഫുട്ബോളിലേക്കുള്ള അദ്ദേഹത്തിന്റെ തിരിച്ചുവരവിന് തിരിച്ചടിയായി. ഒരു മാസത്തെ പരിക്ക് കഴിഞ്ഞ് കഴിഞ്ഞ ഞായറാഴ്ച മാത്രമാണ് നെയ്മർ തിരിച്ചെത്തിയത്.
അൽ ഹിലാലിൽ നിന്ന് Santos-ൽ തിരിച്ചെത്തിയതിന് ശേഷം ഫോമിൽ ആയെങ്കിലും പരിക്ക് കാരണം നെയ്മർ വീണ്ടും വലയുകയാണ്. നെയ്മറിന് നേരത്തെ ഏറ്റ പരിക്ക് തന്നെയാണ് വീണ്ടും ഏറ്റിരിക്കുന്നത്. പുതിയ പരിക്ക് എത്ര കാലം നെയ്മറിനെ പുറത്തിരുത്തും എന്ന് വ്യക്തമല്ല.
