മൗണ്ട് മൗംഗനുയിയിലെ ബേ ഓവലിൽ നടന്ന മൂന്നാം ഏകദിനത്തിൽ പാകിസ്ഥാനെ 43 റൺസിന് പരാജയപ്പെടുത്തി ന്യൂസിലൻഡ് 3-0 ന് പരമ്പര തൂത്തുവാരി. തുടർച്ചയായ രണ്ടാം തവണയും ബെൻ സിയേഴ്സ് അഞ്ച് വിക്കറ്റ് നേട്ടം കൈവരിച്ചു താരമായി. നനഞ്ഞ ഔട്ട്ഫീൽഡ് കാരണം 42 ഓവറാക്കി ചുരുക്കിയ മത്സരത്തിൽ പാകിസ്ഥാൻ തുടർച്ചയായ ഏഴാം ഏകദിന തോൽവിയാണ് ഏറ്റുവാങ്ങിയത്.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ന്യൂസിലൻഡ് 264/8 എന്ന സ്കോർ നേടി. റൈസ് മാരിയു 58 റൺസ് നേടി മികച്ച പ്രകടനം കാഴ്ചവച്ചു, അതേസമയം ക്യാപ്റ്റൻ മൈക്കൽ ബ്രേസ്വെൽ അവസാന ഘട്ടത്തിൽ ആക്രമിച്ച് കളിച്ച ഒരു മിന്നുന്ന അർദ്ധസെഞ്ച്വറി. നേടി. ആറ് സിക്സറുകൾ അദ്ദേഹം അടിച്ചു.
പാകിസ്ഥാന്റെ ചേസിംഗ് തുടക്കത്തിൽ തന്നെ പാളം തെറ്റി, ഇമാം-ഉൽ-ഹഖിന്റെ മുഖത്ത് ഒരു ത്രോ തട്ടി പരിക്കുപറ്റി ഗ്രൗണ്ട് വിടേണ്ടി വന്നു. ബാബർ അസം മികച്ചൊരു അർദ്ധസെഞ്ച്വറി നേടി, പക്ഷേ അദ്ദേഹത്തിന്റെ ശ്രമം പാഴായി. അബ്ദുള്ള ഷഫീഖ്, ഉസ്മാൻ ഖാൻ, റിസ്വാൻ എന്നിവർക വലിയ സ്കോർ നേടുന്നതിൽ പരാജയപ്പെട്ടു
