ജൂൺ 20 ന് ഹെഡിംഗ്ലിയിൽ ആരംഭിക്കുന്ന ഇംഗ്ലണ്ടിനെതിരായ അഞ്ച് മത്സര ടെസ്റ്റ് പരമ്പരയ്ക്ക് മുമ്പ് ഇന്ത്യൻ ടെസ്റ്റ് ടീം ബെക്കൻഹാമിൽ ഇന്ത്യ എ ടീമിനെതിരെ ഒരു ക്ലോസ്ഡ് ഡോർ സന്നാഹ മത്സരം കളിക്കും. ജൂൺ 13 ന് നിശ്ചയിച്ചിരിക്കുന്ന പരിശീലന മത്സരം കെന്റിന്റെ അധികാരപരിധിയിലുള്ള ഗ്രേറ്റർ ലണ്ടനിലെ ഒരു ഗ്രൗണ്ടിൽ വെച്ചാകും നടക്കുക.
ഇൻട്രാ-സ്ക്വാഡ് മത്സരം സംപ്രേഷണം ചെയ്യുന്നതിനെക്കുറിച്ച് ചർച്ചകൾ നടന്നിരുന്നുവെങ്കിലും ഇന്ത്യൻ ടീം അത് വേണ്ട എന്ന് വെച്ചു. പ്രാദേശിക കൗണ്ടി ടീമുകൾക്കെതിരെ വേറെ പരിശീലന മത്സരങ്ങളൊന്നും ഇന്ത്യ ആസൂത്രണം ചെയ്തിട്ടില്ല.
ഇന്ത്യ എ ടീം ഇംഗ്ലണ്ട് പര്യടനം നടത്തും, ഇന്ത്യയെ നേരിടുന്നതിന് മുമ്പ് ഇംഗ്ലണ്ട് ലയൺസിനെതിരെ രണ്ട് ചതുർദിന മത്സരങ്ങൾ അവർ കളിക്കും. ആദ്യ മത്സരം മെയ് 30 മുതൽ ജൂൺ 2 വരെ കാന്റർബറിയിൽ നടക്കും, തുടർന്ന് ജൂൺ 6 മുതൽ 9 വരെ നോർത്താംപ്ടൺഷെയറിൽ രണ്ടാമത്തെ മത്സരം നടക്കും.
