അൽ ഖൂദിനെതിരെ 3-1ന് വിജയിച്ച അൽ നാസർ സൗദി പ്രോ ലീഗിൽ തങ്ങളുടെ ശക്തമായ കുതിപ്പ് തുടർന്നു. നാലാം മിനിറ്റിൽ തന്നെ ക്രിസ്റ്റ്യാനോ റൊണാൾഡോ ഇന്ന് സ്‌കോറിംഗ് തുറന്നു. തൻ്റെ കരിയറിലെ ഗോളുകളുടെ എണ്ണം 928 ആയി അദ്ദേഹം ഉയർത്തി.
26-ാം മിനിറ്റിൽ സാഡിയോ മാനെ ലീഡ് ഇരട്ടിയാക്കിയപ്പോൾ 41-ാം മിനിറ്റിൽ ജോൺ ഡുറാൻ മൂന്നാം ഗോൾ നേടി. 72-ാം മിനിറ്റിൽ അലി അലവ്ജാമിയുടെ സെൽഫ് ഗോളിലൂടെ അൽ ഖൂദ് ഒരു ഗോൾ മടക്കി.
ഈ വിജയത്തോടെ, 25 മത്സരങ്ങളിൽ നിന്ന് 51 പോയിൻ്റുമായി അൽ നാസർ ലീഗ് സ്റ്റാൻഡിംഗിൽ മൂന്നാം സ്ഥാനത്ത് തുടരുന്നു, അവരുടെ കിരീട പ്രതീക്ഷകൾ ഇപ്പോഴും വിദൂരമാണ്.
