ഇംഗ്ലീഷ് പ്രീമിയർ ലീഗിൽ ലിവർപൂൾ കിരീടത്തിലേക്ക് അടുക്കുന്നു. ഇന്ന് ലീഗിൽ സതാമ്പ്ടണെ നേരിട്ട ലിവർപൂൾ ഒന്നിനെതിരെ മൂന്നു ഗോളുകളുടെ വിജയം നേടി. ഇന്ന് ഒരു ഗോളിന് പിറകിൽ നിന്ന് ശേഷം തിരിച്ചടിച്ച് ആണ് ലിവർപൂൾ വിജയം നേടിയത്.
ഇന്ന് രണ്ടാം പകുതിയുടെ തുടക്കത്തിൽ വിൽ സ്മാൾബോൾ നേടിയ ഗോളിൽ സതാമ്പ്ടൺ ലീഡ് എടുത്തു. ഗോൾ വന്നതോടെ ഉയർത്തെഴുന്നേറ്റ ലിവർപൂൾ 52ആം മിനുറ്റിൽ ഡാർവിൻ നൂനിയസിലൂടെ സമനില പിടിച്ചു. തൊട്ടടുത്ത മിനുറ്റിൽ ഒരു പെനാൽറ്റിയിലൂടെ സലാ ലിവർപൂളിനെ ലീഡിലും എത്തിച്ചു.
മത്സരത്തിന്റെ അവസാന നിമിഷങ്ങളിൽ ഒരു ഹാൻഡ് ബോളിൽ രണ്ടാം പെനാൽറ്റി വന്നതോടെ സലായിലൂടെ മൂന്നാം ഗോൾ നേടി ലിവർപൂൾ വിജയം പൂർത്തിയാക്കി. ലിവർപൂൾ 29 മത്സരങ്ങളിൽ നിന്ന് 70 പോയിന്റുമായി ലിവർപൂൾ ഒന്നാമത് തുടരുന്നു. ആഴ്സണലിനെക്കാൾ 16 പോയിന്റിന്റെ ലീഡ് ലിവർപൂളിന് ഉണ്ട്.
