നോഹ സദൗയി നാളെ തിരികെയെത്തും എന്ന് ഉറപ്പ് പറയാതെ കേരള ബ്ലാസ്റ്റേഴ്സ് താൽക്കാലിക പരിശീലകൻ ടി ജി പുരുഷോത്തമൻ. കാൽമുട്ടിനേറ്റ പരിക്ക് കാരണം അവസാന രണ്ട് മത്സരങ്ങളിലും നോഹ കളിച്ചിരുന്നില്ല. നാളെ ജംഷദ്പൂരിനെതിരെയും നോഹ കളിക്കുന്നത് ഉറപ്പല്ല എന്ന് ടി ജി ഇന്ന് മാധ്യമങ്ങളോട് പറഞ്ഞു.
നോഹ പരിക്ക് മാറി പരിശീലനം ആരംഭിച്ചു എങ്കിലും താരം തിരിച്ചുവരവിന്റെ പാതയിൽ ആണെന്ന് പുരുഷോത്തമൻ പറഞ്ഞു. നാളെ മെഡിക്കൽ റിപ്പോർട്ട് നോക്കിയ ശേഷം മാത്രമെ സ്ക്വാഡിൽ അന്തിമ തീരുമാനം എടുക്കൂ എന്നും അദ്ദേഹം പറഞ്ഞു.
