ശ്രീകണ്ഠീരവ സ്റ്റേഡിയത്തിൽ ചെന്നൈയിൻ എഫ്‌സിയെ 1-0ന് തോൽപ്പിച്ച് ബെംഗളൂരു എഫ്‌സി ഇന്ത്യൻ സൂപ്പർ ലീഗ് 2024-25 പ്ലേഓഫിൽ സ്ഥാനം ഉറപ്പിച്ചു. 22 കളികളിൽ നിന്ന് 24 പോയിൻ്റിൽ തുടരുന്ന ചെന്നൈയിൻ എഫ്‌സിയുടെ ആദ്യ ആറിൽ ഇടം നേടാനുള്ള പ്രതീക്ഷകൾ ഈ പരാജയത്തോടെ അവസാനിക്കുകയും ചെയ്തു. ബെംഗളൂരു എഫ്‌സി ഈ ഫലത്തോടെ 37 പോയിൻ്റുമായി മൂന്നാം സ്ഥാനത്തേക്ക് മുന്നേറി.
37-ാം മിനിറ്റിൽ മികച്ച സെറ്റ്പീസിലൂടെ ബെംഗളൂരു എഫ്‌സി ലീഡ് എടുത്തു. ആൽബെർട്ടോ നൊഗേര വലതുവശത്ത് നിന്ന് എടുത്ത ഒരു മികച്ച ഫ്രീ-കിക്ക് , 6 യാർഡ് ബോക്‌സിനുള്ളിൽ രാഹുൽ ഭേക്കെയെ കണ്ടെത്തി. താരം വിജയം ഉറപ്പാക്കി.
