സ്റ്റീവൻ ജെറാർഡ് അൽ ഇത്തിഫാക്ക് വിട്ടു. ക്ലബും പരിശീലകനും തമ്മിൽ പരസ്പര ധാരണയിൽ പിരിയുന്നതായി ക്ലബ് അറിയിച്ചു. 2023 ജൂലൈയിൽ സൗദി പ്രോ ലീഗ് ടീമിന്റെ ചുമതല ഏറ്റെടുത്ത മുൻ ലിവർപൂൾ ക്യാപ്റ്റൻ ഇതുവരെ ഇത്തിഫാഖിനെ മെച്ചപ്പെടുത്താൻ ആയിരുന്നില്ല.
ജോർദാൻ ഹെൻഡേഴ്സൺ, ജോർജിനിയോ വൈനാൽഡം, മൗസ ഡെംബെലെ തുടങ്ങിയ വലിയ പേരുകളെ തുടക്കത്തിൽ ക്ലബിൽ എത്തിച്ചിട്ടും അവസാന രണ്ട് സീസണുകളിലും ക്ലബിന് സ്ഥിരതയുള്ള പ്രകടനം കാഴ്ച് വെക്കാൻ ആയിരുന്നില്ല. ഈ സീസണിൽ 17 ലീഗ് മത്സരങ്ങളിൽ 5 എണ്ണം മാത്രമെ അൽ ഇത്തിഫാക്ക് ജയിച്ചുള്ളൂ. കിരീട പോരാട്ടത്തിൽ നിന്നും ആദ്യ നാല് സ്ഥാനങ്ങളിൽ നിന്നുപോലും അകലെയായി 19 പോയിന്റുമായി അവർ നിലവിൽ സൗദി പ്രോ ലീഗിൽ 12-ാം സ്ഥാനത്താണ്.
അൽ ഇത്തിഫാക്ക് പുതിയ ഹെഡ് കോച്ചിനെ ഉടൻ പ്രഖ്യാപിക്കും.
