മാഞ്ചസ്റ്റർ യുണൈറ്റഡ് ജനുവരി ട്രാൻസ്ഫർ വിൻഡോയിലെ അവരുടെ ആദ്യ സൈനിംഗ് പൂർത്തിയാക്കി. പാട്രിക് ഡോർഗുവിനായുള്ള പുതിയ ബിഡ് ലെചെ അംഗീകരിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. 37 മില്യണ് ആകും ട്രാൻസ്ഫർ ഫീ. താരം മാഞ്ചസ്റ്റർ യുണൈറ്റഡിൽ 5 വർഷത്തെ കരാർ ഒപ്പുവെക്കും.
അടുത്ത ഒന്നോ രണ്ടോ ദിവസത്തിനുള്ളിൽ താരം മാഞ്ചസ്റ്ററിൽ എത്തും എന്നാണ് പ്രതീക്ഷ. 20കാരനായ താരത്തിനായി നാപോളിയും രംഗത്തുണ്ടായിരുന്നു. എന്നാൽ നാപോളി സമ്മറിൽ മാത്രമെ താരത്തിനായി ബിഡ് നൽകുകയുള്ളൂ എന്നത് കൊണ്ട് യുണൈറ്റഡിന് കാര്യങ്ങൾ എളുപ്പനായി.
ഡോർഗുവിനെ അടുത്ത പ്രീമിയർ ലീഗ് മത്സരത്തിൽ മാച്ച് സ്ക്വാഡിൽ എത്തിക്കാൻ ആകും യുണൈറ്റഡ് ആഗ്രഹിക്കുന്നത്. ലെഫ്റ്റ് ബാക്ക് ഇല്ലാതെ ഈ സീസണിൽ ഉടനീളം യുണൈറ്റഡ് കഷ്ടപ്പെട്ടിരുന്നു.
