ബ്രെന്റ്ഫോർഡ് ഫോർവേഡ് യോനെ വിസ്സയെ സൈൻ ചെയ്യാൻ നോട്ടിംഗ്ഹാം ഫോറസ്റ്റ് 22 മില്യൺ പൗണ്ട് ബിഡ് ചെയ്തതായി ഓർൺസ്റ്റെയിൻ റിപ്പോർട്ട് ചെയ്യുന്നു. പക്ഷെ ഈ ഓഫർ ബ്രെന്റ്ഫോർഡ് നിരസിക്കാൻ ആണ് സാധ്യത. 2026 വരെ നീണ്ടു നിൽക്കുന്ന കരാർ വിസ്സയ്ക്ക് ബ്രെന്റ്ഫോർഡിൽ ഉണ്ട്.
2021 ൽ ബ്രെന്റ്ഫോർഡിൽ എത്തിയ വിസ്സ 133 മത്സരങ്ങളിൽ നിന്ന് 41 ഗോളുകളും ഒമ്പത് അസിസ്റ്റുകളും ക്ലബിനായി സംഭാവന നൽകി. ഈ സീസണിൽ, 19 പ്രീമിയർ ലീഗ് മത്സരങ്ങളിൽ നിന്ന് 11 ഗോളുകൾ അദ്ദേഹം നേടി. ഫോറസ്റ്റ് ഉയർന്ന ബിഡുമായി വരുമോ അതോ മറ്റ് അറ്റാക്കിംഗ് താരങ്ങളെ തേടി പോകുമോ എന്ന് കണ്ടറിയണം.
