കേരള ബ്ലാസ്റ്റേഴ്സ് എഫ്‌സി മിഡ്‌ഫീൽഡർ ബ്രൈസ് മിറാൻഡ 2024-25 സീസണിൻ്റെ ശേഷിക്കുന്ന സമയം ഐ-ലീഗ് ക്ലബ്ബായ ഇൻ്റർ കാശിയിൽ ലോണിൽ ചെലവഴിക്കും. ക്ലബ് ഈ വാർത്ത ഔദ്യോഗികമായി സ്ഥിരീകരിച്ചു. 2023-24 സീസണിൽ മുമ്പ് പഞ്ചാബ് എഫ്‌സിയിലേക്കും ബ്ലാസ്റ്റേഴ്സ് താരത്തെ ലോണിൽ അയച്ചിരുന്നു.
ചർച്ചിൽ ബ്രദേഴ്സിൽ നിന്ന് കേരള ബ്ലാസ്റ്റേഴ്‌സിലേക്ക് ചേക്കേറിയത് മുതൽ, ആദ്യ ടീമിൽ സ്ഥിരമായ സ്ഥാനം നേടാൻ ബ്രൈസ് പാടുപെട്ടു. ഐ-ലീഗിലെ ചർച്ചിൽ ബ്രദേഴ്സിൽ മികച്ച പ്രകടനങ്ങൾ നടത്തിയെങ്കിലും, ബ്ലാസ്റ്റേഴ്സ് അത് ആവർത്തിക്കാൻ ആയില്ല.
ഇൻ്റർ കാശിയിലേക്കുള്ള ലോൺ നീക്കം ബ്രൈസിന് വിലപ്പെട്ട മിനുറ്റുകൾ നേടാനും അവൻ്റെ കഴിവുകൾ പ്രകടിപ്പിക്കാനുമുള്ള ഒരു പുതിയ അവസരം നൽകും എന്നും പ്രതീക്ഷിക്കാം.
