മുൻ ലിവർപൂൾ മാനേജർ ജർഗൻ ക്ലോപ്പ്, മുഹമ്മദ് സലാഹ് നിലവിലെ സീസണിനു ശേഷവും ആൻഫീൽഡിൽ തുടരും എന്നും പുതിയ കരാറിൽ ഒപ്പുവെക്കുമെന്നും ശുഭാപ്തിവിശ്വാസം പ്രകടിപ്പിച്ചു. റെഡ് ബുള്ളിന്റെ ആഗോള ഫുട്ബോൾ തലവനായി സ്ഥാനമേറ്റെടുക്കുന്നതിനിടെ ഓസ്ട്രിയയിൽ നടന്ന പത്രസമ്മേളനത്തിൽ സംസാരിക്കവേ ആണ് തന്റെ മുൻ ക്ലബിനെ കുറിച്ച് ക്ലോപ്പ് സംസാരിച്ചത്.
“സലാ ക്ലബിൽ തുടരുമെന്ന് ഞാൻ പ്രതീക്ഷിക്കുന്നു. അദ്ദേഹം ഒരു മികച്ച കളിക്കാരനാണ്, ഒരു മികച്ച മനുഷ്യനാണ്, ഒരു മികച്ച കായികതാരമാണ്, അദ്ദേഹം ലിവർപൂളിൽ തന്നെ തുടരുമെന്ന് ഞാൻ പ്രതീക്ഷിക്കുന്നു,” ക്ലോപ്പ് പറഞ്ഞു.
.
“ലിവർപൂൾ ഇത്രയും നന്നായി കളിക്കുന്നതിൽ ഞാൻ ശരിക്കും സന്തോഷവാനാണ്. ഞാൻ അവർക്ക് എല്ലാ ആശംസകളും നേരുന്നു. എനിക്ക് കഴിയുന്നത്ര അവരുടെ മത്സരങ്ങൾ ഞാൻ കാണാറുണ്ട്. ഒരുപക്ഷേ ഇപ്പോൾ ലോകത്തിലെ ഏറ്റവും മികച്ച സന്തുലിതമായ ഫുട്ബോൾ ടീം ഇപ്പോൾ ലിവർപൂൾ ആണ്” – ക്ലോപ്പ് പറഞ്ഞു.
സലായുടെ സഹതാരങ്ങളായ വിർജിൽ വാൻ ഡിജ്ക്കും ട്രെന്റ് അലക്സാണ്ടർ-അർനോൾഡും അവരുടെ കരാറുകൾ നീട്ടുമെന്നും ജർമ്മൻ തന്ത്രജ്ഞൻ പ്രത്യാശ പ്രകടിപ്പിച്ചു,
