ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് തകർപ്പൻ വിജയം. ഇന്ന് കലൂരിൽ വെച്ച് ചെന്നൈയിനെ നേരിട്ട കേരള ബ്ലാസ്റ്റേഴ്സ് എതിരില്ലാത്ത 3 ഗോളുകൾക്ക് ആണ് വിജയിച്ചത്. ജീസസും നോഹയും രാഹുലുമാണ് ബ്ലാസ്റ്റേഴ്സിനായി ഗോളുകൾ നേടിയത്.
ആദ്യ പകുതിയിൽ ബ്ലാസ്റ്റേഴ്സ് നിരവധി മികച്ച അവസരങ്ങൾ സൃഷ്ടിച്ചു എങ്കിലും ഗോൾ മാത്രം വന്നില്ല.
9ആം മിനുട്ടിൽ ഒരു ഫ്രീകിക്ക് തകർപ്പൻ സേവിലൂടെ സച്ചിൻ സേവ് ചെയ്തത് കേരളത്തിന് ആശ്വാസമായി. 17ആം മിനുട്ടിൽ ജീസസിന്റെ ഒരു ഗോൾ ശ്രമം പോസ്റ്റിൽ തട്ടിയാണ് മടങ്ങിയത്. നോഹയു. ജീസസും സ്ഥിരമായി ചെന്നൈയിൻ ഡിഫൻസിനെ സമ്മർദ്ദത്തിൽ ആക്കി. എങ്കിലും ഗോൾ അകന്നു നിന്നു.
രണ്ടാം പകുതിയിൽ പക്ഷെ ബ്ലാസ്റ്റേഴ്സ് അവസരങ്ങൾ മുതലാക്കി. 56ആം മിനുട്ടിൽ ജിമിനസിന്റെ ഗോൾ ബ്ലാസ്റ്റേഴ്സിന് ലീഡ് നൽകി. കോറോയുടെ ഒരു ഷോട്ട് ജിമിനസ് വലയിലേക്ക് തിരിച്ചു വിടുകയായിരുന്നു.
70ആം മിനുട്ടിൽ നോഹ ബ്ലാസ്റ്റേഴ്സിന്റെ ലീഡ് ഇരട്ടിയാക്കി. ലൂണയുടെ അസിസ്റ്റിൽ നിന്നായിരുന്നു നോഹയുടെ ഗോൾ. ഈ ഗോൾ ബ്ലാസ്റ്റേഴ്സിന്റെ വിജയം ഉറപ്പിച്ചു. അവസാനം ഇഞ്ച്വറി ടൈമിൽ ഒരു കൗണ്ടറിൽ രാഹുൽ കൂടെ ഗോൾ നേടിയതോടെ വിജയം പൂർത്തിയാക്കി. നോഹ നടത്തിയ നീക്കത്തിനു ഒടുവിൽ അൺ സെൽഫിഷ് ആയി നോഹ പന്ത് രാഹുലിന് ഗോൾ മുഖത്ത് വെച്ച് നൽകുക ആയിരുന്നു.
9 മത്സരങ്ങളിൽ നിന്ന് 11 പോയിന്റുമായി ബ്ലാസ്റ്റേഴ്സ് എട്ടാം സ്ഥാനത്ത് നിൽക്കുന്നു. ചെന്നൈയിൻ 12 പോയിന്റുമായി അഞ്ചാം സ്ഥാനത്തുണ്ട്.
