കേരള ബ്ലാസ്റ്റേഴ്‌സ് എഫ്‌സി ഹെഡ് കോച്ച് മൈക്കൽ സ്റ്റാഹ്‌രെ നോഹ സദൗയിയുടെ തിരിച്ചുവരവിനെ കുറിച്ച് പോസിറ്റീവ് അപ്‌ഡേറ്റ് നൽകി. വിംഗർക്ക് ഉടൻ തന്നെ കളിക്കാൻ കഴിയുമെന്ന് അദ്ദേഹം ഇന്ന് മാധ്യമങ്ങളോട് പറഞ്ഞു. നാളെ നടക്കുന്ന ഹൈദരാബാദ് എഫ് സിക്ക് എതിരായ മത്സരത്തിൽ നോയ കളിക്കും എന്ന് സ്റ്റാറേ പറഞ്ഞു.
മുംബൈ സിറ്റിക്കും ബെംഗളൂരു എഫ്‌സിക്കുമെതിരായ അവസാന രണ്ട് മത്സരങ്ങൾ നോഹക്ക് നഷ്ടമായിരുന്നു. ഈ രണ്ട് മത്സരങ്ങളിലും നോഹ സദൗയിയുടെ അഭാവം പ്രകടമായിരുന്നു. രണ്ടു മത്സരങ്ങളും കേരള ബ്ലാസ്റ്റേഴ്‌സ് തോൽക്കുകയും ചെയ്തു. കഴിഞ്ഞ ആഴ്ച മുതൽ താരം പരിശീലനത്തിൽ തിരികെയെത്തിയിട്ടുണ്ട്.
