ബാഴ്‌സലോണയുടെ സ്റ്റാർ സ്‌ട്രൈക്കർ റോബർട്ട് ലെവൻഡോസ്കി ഒക്ടോബറിലെ ലാ ലിഗ പ്ലെയർ ഓഫ് ദ മന്ത് ആയി തിരഞ്ഞെടുക്കപ്പെട്ടു. ഈ കഴിഞ്ഞ മാസം വെറും 3 മത്സരങ്ങളിൽ നിന്ന് ലെവൻഡോവ്സ്കി ശ്രദ്ധേയമായ 7 ഗോളുകൾ ലാലിഗയിൽ നേടിയിരുന്നു. റയൽ മാഡ്രിഡിനെതിരെ രണ്ട് തവണ വല കുലുക്കിയ ലെവൻഡോസ്കി , അലാവസിനെതിരെ ഹാട്രിക്കും, സെവിയ്യക്കെതിരെ രണ്ട് ഗോളുകളും നേടി. ഈ സീസണിൽ അദ്ദേഹം ആകെ 17 ഗോളുകളും 2 അസിസ്റ്റുകളും ബാഴ്സക്ക് ആയി നേടി.
തുടർച്ചയായി മൂന്നാം മാസമാണ് ബാഴ്‌സലോണ താരങ്ങൾ തന്നെ ഈ പുരസ്കാരം നേടുന്നത്. സെപ്റ്റംബറിൽ ഈ അവാർഡ് യമാലും ഓഗസ്റ്റിൽ റാഫിഞ്ഞയും ആയിരുന്നു നേടിയത്.
