സൗത്ത് അമേരിക്കൻ ലോകകപ്പ് യോഗ്യതാ മത്സരത്തിൽ ബൊളീവിയയ്‌ക്കെതിരെ അർജൻ്റീന 6-0 ന് വിജയിച്ചപ്പോൾ 3 ഗോളും 2 അസിസ്റ്റുമായി മെസ്സി ഹീറോ ആയിരുന്നു. ഈ പ്രകടനത്തിന് ശേഷം ലയണൽ മെസ്സിയെ പ്രശംസിച്ച അർജൻ്റീന ദേശീയ ടീം കോച്ച് ലയണൽ സ്‌കലോനി മെസ്സി ഇ തുടരണം എന്ന് ആവശ്യപ്പെട്ടു.
“ഞാൻ അവനോട് ആവശ്യപ്പെടുന്ന ഒരേയൊരു കാര്യം അവൻ കഴിയുന്നിടത്തോളം കളിക്കണം എന്നതാണ്, കാരണം അവൻ കളിക്കുന്നത് കാണുന്നത് സന്തോഷകരമാണ്,” സ്‌കലോനി പറഞ്ഞു.
ബൊളീവിയയ്‌ക്കെതിരായ ടീമിൻ്റെ പ്രകടനത്തെയും സ്‌കലോനി പ്രശംസിച്ചു.
“കളിക്കാർ മൈതാനത്ത് ഇറങ്ങുകയും അവരുടെ ടീമിന് വേണ്ടിയും, അവരുടെ ആരാധകർക്ക് വേണ്ടിയും കളിക്കുന്നു. മികച്ച കളിക്കാർ ആണ് അർജൻ്റീനിയൻ ദേശീയ ടീമിൽ ഉള്ളത്.” സ്കലോണി പറയുന്നു.
