മുള്ട്ടാന് : മുള്ട്ടാന് ക്രിക്കറ്റ് സ്റ്റേഡിയത്തില് ആദ്യം ബാറ്റ് ചെയ്യുന്ന പാകിസ്താൻ ഉച്ചഭക്ഷണത്തിന് പിരിയുമ്പോള് 79/2 എന്ന നിലയിൽ.
അബ്ദുല്ല ഷഫീഖും (7) ക്യാപ്റ്റൻ ഷാൻ മസൂദും (3) സ്പിന്നർ ജാക്ക് ലീച്ചിൻ്റെ മുന്നിൽ വീണതോടെ പാക്കിസ്ഥാൻ തുടക്കത്തിൽ തന്നെ പതറി. 15/1 എന്ന നിലയിൽ നിൽക്കെ ആണ് ഷഫീഖിനെ ലീച്ച് പുറത്താക്കിയത്, തൊട്ടുപിന്നാലെ മസൂദും ഗ്രൗണ്ട് വിട്ടു. പാക്കിസ്ഥാൻ 19/2 എന്ന നിലയിൽ ആയി.
സയിം അയൂബ് 83 പന്തിൽ 40* അരങ്ങേറ്റക്കാരൻ കമ്രാൻ ഗുലാം 56 പന്തിൽ നിന്ന് 29* എന്നിവർ ആണ് പാകിസ്താനെ കരകയറ്റുന്നത്. ഇരുവരുടെയും കൂട്ടുകെട്ട് 60 റൺസിൽ എത്തി.
ഇംഗ്ലണ്ടിനായി ജാക്ക് ലീച്ച് 10 ഓവറിൽ 35 റൺസ് വഴങ്ങി രണ്ട് വിക്കറ്റ് വീഴ്ത്തി.
