ഓസ്‌ട്രേലിയൻ ഓൾറൗണ്ടർ കാമറൂൺ ഗ്രീൻ നട്ടെല്ലിന് പരിക്കേറ്റതിനാൽ 2024-25 ബോർഡർ-ഗവാസ്കർ ട്രോഫിയിൽ കളിക്കില്ല. സ്ട്രെസ് ഫ്രാക്ചറുമായി മല്ലിടുന്ന ഗ്രീൻ ശസ്ത്രക്രിയയ്ക്കായി ന്യൂസിലൻഡിലേക്ക് പറക്കുമെന്ന് പ്രതീക്ഷിക്കുന്നു. നവംബർ 22 ന് ആരംഭിക്കുന്ന ഇന്ത്യയ്‌ക്കെതിരായ അഞ്ച് മത്സരങ്ങളുടെ ടെസ്റ്റ് പരമ്പരയ്ക്ക് മുന്നോടിയായി ഗ്രീൻ ശസ്ത്രക്രിയക്ക് വിധേയനാകുന്നത് ഓസ്ട്രേലിയക്ക് വൻ തിരച്ചടിയാണ്.
2020-21 ലെ മുൻ ബോർഡർ-ഗവാസ്കർ ട്രോഫി സമയത്താണ് ഗ്രീൻ അരങ്ങേറ്റം കുറിച്ചത്, ക്രിക്കറ്റ് ഓസ്‌ട്രേലിയ ഗ്രീനിൻ്റെ പരിക്കിനെക്കുറിച്ച് ഉടൻ തന്നെ ഔദ്യോഗിക അപ്‌ഡേറ്റ് നൽകുമെന്ന് പ്രതീക്ഷിക്കുന്നു. നേരത്തെ ഗ്രീൻ ഒരു ബാറ്ററായി മാത്രം ടെസ്റ്റിൽ കളിക്കുമെന്ന് റിപ്പോർട്ടുകൾ ഉണ്ടായിരുന്നു.
