ഇൻ്റർ മിയാമിക്കൊപ്പം ലയണൽ മെസ്സി തൻ്റെ രണ്ടാം കിരീടം സ്വന്തമാക്കി. കൊളംബസ് ക്രൂവിനെതിരെ ഇന്ന് ഇന്റർ മയാമി 3-2 ന് വിജയിച്ചതോടെ അവർ MLS സപ്പോർട്ടേഴ്സ് ഷീൽഡ് ഉറപ്പാക്കി. ആദ്യ പകുതിയിൽ മെസ്സിയുടെ രണ്ട് ഗോളുകൾ മയാമിയെ മികച്ച ലീഡിലേക്ക് നയിച്ചു. ഇതുൽ ഒരു തകർപ്പൻ ഫ്രീ കിക്കും ഉണ്ടായിരുന്നു.
രണ്ടാം പകുതിയുടെ തുടക്കത്തിൽ ലൂയിസ് സുവാരസ് മൂന്നാം ഗോളും കൂട്ടിച്ചേർത്തു. ഡീഗോ റോസിയുടെയും കുച്ചോ ഹെർണാണ്ടസിൻ്റെയും ഗോളുകളോടെ ക്രൂവിൻ്റെ തിരിച്ചുവരവിന് ശ്രമിച്ചു എങ്കിലും, 84-ാം മിനിറ്റിലെ നിർണായക പെനാൽറ്റി സേവ് ഉൾപ്പെടെ, ഗോൾകീപ്പർ ഡ്രേക്ക് കാലെൻഡറിൻ്റെ സേവുകൾക്ക് ഇൻ്റർ മയാമിക്ക് വിജയം നൽകി.
ഈ വിജയം മെസ്സിയുടെ ആകർഷകമായ ട്രോഫി കാബിനറ്റിലേക്ക് ഒരു കിരീടം കൂടെ കൂട്ടിച്ചേർക്കുന്നു. ക്ലബ്ബിനും രാജ്യത്തിനുമായി അദ്ദേഹത്തിൻ്റെ 46-ാം കിരീടം ആണിത്. കഴിഞ്ഞ വർഷം മെസ്സി ഇന്റർ മയാമിക്ക് ലീഗ് കപ്പും നേടിക്കൊടുത്തിരുന്നു.
ഈ സീസണിൽ 17 കളികളിൽ നിന്ന് 17 ഗോളുകൾ മെസ്സി നേടി.
