കാൺപൂരിൽ ബംഗ്ലാദേശിനെതിരെ നടക്കാനിരിക്കുന്ന രണ്ടാം ടെസ്റ്റിനുള്ള പ്ലെയിങ് ഇലവനിൽ കുൽദീപ് യാദവിനെ ഉൾപ്പെടുത്തണമെന്ന് മുൻ ഇന്ത്യൻ ക്രിക്കറ്റ് താരം സഞ്ജയ് മഞ്ജരേക്കർ ഇന്ത്യൻ ടീം മാനേജ്‌മെൻ്റിനോട് ആവശ്യപ്പെട്ടു. ചെന്നൈയിൽ കുൽദീപിനെ ഒഴിവാക്കിയതിൽ മഞ്ജരേക്കർ നിരാശ പ്രകടിപ്പിക്കുകയും ഇന്ത്യൻ സാഹചര്യങ്ങളിൽ സ്പിന്നറുടെ മൂല്യം ഉയർത്തിക്കാട്ടുകയും ചെയ്തു.
ചെന്നൈ പിച്ച് തുടക്കത്തിൽ സീമർമാർക്ക് അനുകൂലമാകുമെന്ന് പ്രതീക്ഷിച്ചിരുന്നെങ്കിലും കുൽദീപിനെ ഒഴിവാക്കാനുള്ള തീരുമാനത്തെ മഞ്ജരേക്കർ വിമർശിച്ചു. കുൽദീപ് യാദവിനെ അത്ര എളുപ്പം പുറത്താക്കരുതെന്നാണ് എനിക്ക് തോന്നുന്നത്, ചെന്നൈയിൽ അദ്ദേഹത്തെ കളിപ്പുക്കുന്നത് ഇന്ത്യക്ക് ഗുണം ചെയ്യുമായിരുന്നു, കാരണം സീമർമാർക്ക് ഒന്നോ ഒന്നര ദിവസത്തേക്കുള്ള സഹായം മാത്രമേ ലഭിക്കൂ. ഇന്ത്യൻ പിച്ച് അതിന് ശേഷം സ്പിന്നർമാരെ തുണയ്ക്കാൻ തുടങ്ങുന്നു, നിങ്ങൾക്ക് കുൽദീപ് യാദവിനെപ്പോലെ ഒരു ബൗളർ ഉള്ളപ്പോൾ, നിങ്ങൾ അവനെ ഇത്ര എളുപ്പത്തിൽ പുറത്താക്കരുത്. മഞ്ജരേക്കർ പറഞ്ഞു.
കാൺപൂരിലെ സാഹചര്യങ്ങളെക്കുറിച്ചും മഞ്ജരേക്കർ ചർച്ച ചെയ്തു, പിച്ചിൻ്റെ രൂപം പരിഗണിക്കാതെ തന്നെ മൂന്ന് സ്പിന്നർമാരെയും ഇന്ത്യ ഉൾപ്പെടുത്തണമെന്ന് അദ്ദേഹം നിർദ്ദേശിച്ചു. “രണ്ടാം ടെസ്റ്റിൽ സിറാജും ബുംറയും മതി പേസർമാരായി. മൂന്ന് സ്പിന്നർമാരുമായി നിങ്ങൾ കളിക്കണം.”അദ്ദേഹം കൂട്ടിച്ചേർത്തു.
