സൗദി പ്രോ ലീഗിൽ ക്രിസ്റ്റ്യാനോ റൊണാൾഡോയുടെ അൽ നസറിന് വിജയം. ഇന്ന് റൊണാൾഡോ, എസ്. അൽ നജ്ദി, തലിസ്ക എന്നിവരുടെ ഗോളുകളുടെ ബലത്തിൽ അൽ-എത്തിഫാഖിനെതിരെ അൽ-നാസർ 3-0ന്റെ അനായാസ വിജയം സ്വന്തമാക്കി. ഈ വിജയം അൽ-നാസറിനെ ലീഗ് പട്ടികയിൽ നാലാം സ്ഥാനത്തേക്ക് ഉയർത്തി.
33-ാം മിനിറ്റിൽ ക്രിസ്റ്റ്യാനോ റൊണാൾഡോ ഒരു പെനാൽറ്റി ഗോളാക്കി മാറ്റി അൽ നാസറിനെ മുന്നിലെത്തിച്ചു. 56-ാം മിനിറ്റിൽ സാദിയോ മാനെയുടെ അസിസ്റ്റിൽ എസ്.അൽ-നജ്ദി ലീഡ് ഇരട്ടിയാക്കി. എഴുപതാം മിനിറ്റിൽ താലിസ്ക അവസാന പ്രഹരം നൽകി, ഒരിക്കൽ കൂടി മാനെ ആണ് ഗോൾ ഒരുക്കിയത്.
ഈ തോൽവി അൽ-ഇത്തിഫാഖിൻ്റെ സീസണിലെ ആദ്യത്തേതാണ്, അവരെ ഇത് മൂന്നാം സ്ഥാനത്തേക്ക് വീഴ്ത്തി. അതേസമയം, അൽ-നാസർ ലീഗിൽ നാല് മത്സരങ്ങളിൽ തോൽവിയറിയാതെ, രണ്ട് വിജയങ്ങളും രണ്ട് സമനിലകളും നേടി നാലാമത് നിൽക്കുകയാണ്.
