ഡക്കിൽ പുറത്തായി ശ്രേയസ് അയ്യർ. ഇന്ത്യ എയ്‌ക്കെതിരായ ആദ്യ ഇന്നിംഗ്‌സിൽ സൺ ഗ്ലാസും അണിഞ്ഞ് ഇറങ്ങിയ ശ്രേയസ് അയ്യർ ഏഴ് പന്തിൽ ഡക്കിന് പുറത്തായി. ഇടങ്കയ്യൻ പേസർ ഖലീൽ അഹമ്മദിൻ്റെ പന്തിലാണ് ഇന്ത്യ ഡി ക്യാപ്റ്റൻ അയ്യർ വീണത്. ഹെൽമെറ്റിനുള്ളിൽ സൺഗ്ലാസുകൾ ഇട്ടുകൊണ്ട് വ്യത്യസ്തമായാണ് ശ്രേയസ് ഇന്ന് ഇറങ്ങിയത്. ഒരു ഫുള്ളറിൽ ആഖിബ് ഖാന് മിഡ് ഓണിൽ ക്യാച്ച് നൽകിയാണ് ശ്രേയസ് പുറത്തായത്.
റെഡ്-ബോൾ ക്രിക്കറ്റിൽ അയ്യർ മോശം ഫോം തുടരുകയാണ്, ഇന്ത്യ സിയോട് ഇന്ത്യ ഡിയുടെ മുൻ തോൽവിയിൽ 63 റൺസ് മാത്രമായിരുന്നു അയ്യർ നേടിയത്‌. ആഭ്യന്തര ക്രിക്കറ്റിൽ തിളങ്ങി ദേശീയ റെഡ് ബോൾ ടീമിലേക്ക് വരാൻ ആഗ്രഹിക്കുന്ന ശ്രേയസിന് തിരിച്ചടിയാണ് ഈ പ്രകടനങ്ങൾ.
