വരാനിരിക്കുന്ന 2024/25 സീസണിലേക്കുള്ള ക്യാപ്റ്റനായി കേരള ബ്ലാസ്റ്റേഴ്‌സ് അഡ്രിയാൻ ലൂണയെ ഔദ്യോഗികമായി തിരഞ്ഞെടുത്തു, മോണ്ടിനെഗ്രിൻ ഡിഫൻഡർ മിലോസ് ഡ്രിൻസിച്ചിനെ വൈസ് ക്യാപ്റ്റനായും നിയമിച്ചു. ജെസൽ കാർനെറോ ക്ലബ് വിട്ടത് മുതൽ ലൂണ തന്നെയാണ്‌ ബ്ലാസ്റ്റേഴ്സിന്റെ ക്യാപ്റ്റൻ. പുതിയ പരിശീലകൻ സ്റ്റാറേയും ലൂണയെ നിലനിർത്താൻ തീരുമാനിക്കുക ആയിരുന്നു.
ആരാധകരുടെ പ്രിയങ്കരനായ ലൂണയെ, ക്യാപ്റ്റനായി വീണ്ടും നിയമിക്കുന്നത് പുതിയ കാമ്പെയ്‌നിന് മുമ്പായി ക്ലബിന് സ്ഥിരത കൊണ്ടുവരുന്നു.
കഴിഞ്ഞ വർഷം മികച്ച പ്രകടനം കാഴ്ചവെച്ച മിലോസ് ഡ്രിൻസിച്ച് വൈസ് ക്യാപ്റ്റൻ സ്ഥാനത്ത് എത്തുന്നതും നല്ല തീരുമാനമായാണ് വിലയിരുത്തപ്പെടുന്നത്. സെപ്തംബർ 15 ന് പഞ്ചാബ് എഫ്‌സിക്കെതിരായ ആദ്യ മത്സരത്തോടെ കേരള ബ്ലാസ്റ്റേഴ്‌സ് അവരുടെ പുതിയ ക്യാമ്പയിൻ ആരംഭിക്കും.
