സെപ്റ്റംബർ 19ന് ചെന്നൈയിലെ ചെപ്പോക്കിൽ ആരംഭിക്കുന്ന ബംഗ്ലാദേശിനെതിരായ ആദ്യ ടെസ്റ്റിനുള്ള ടീമിനെ ഇന്ത്യ പ്രഖ്യാപിച്ചു. 2022 ഡിസംബറിൽ അവസാനമായി ഒരു ടെസ്റ്റ് കളിച്ച വിക്കറ്റ് കീപ്പർ-ബാറ്റർ ഋഷഭ് പന്ത് ടീമിൽ തിരികെയെത്തി. ദുലീപ് ട്രോഫിയിലൂടെ പന്ത് റെഡ്-ബോൾ ക്രിക്കറ്റിലേക്ക് മടങ്ങി വന്നിരുന്നു.
2022-ൻ്റെ അവസാനത്തിൽ നിർഭാഗ്യകരമായ കാർ അപകടത്തിന് മുമ്പ് പന്തിൻ്റെ അവസാന ടെസ്റ്റ് ബംഗ്ലാദേശിനെതിരായിരുന്നു. കെ.എൽ. രാഹുലും ടെസ്റ്റ് ടീമിൽ തിരിച്ചെത്തി, അതേസമയം ദുലീപ് ട്രോഫിയിൽ ശ്രദ്ധേയമായ പ്രകടനം നടത്തിയ യുവ വിക്കറ്റ് കീപ്പർ ധ്രുവ് ജുറലും തിരഞ്ഞെടുക്കപ്പെട്ടിട്ടുണ്ട്. രോഹിത് ശർമ്മ, വിരാട് കോഹ്ലി, ആർ അശ്വിൻ, ജസ്പ്രീത് ബുംറ, രവീന്ദ്ര ജഡേജ തുടങ്ങിയ മുതിർന്ന താരങ്ങൾ ടീമിൽ ഉണ്ട്.
ബംഗ്ലാദേശിനെതിരായ ഒന്നാം ടെസ്റ്റിനുള്ള ഇന്ത്യൻ ടീം:
രോഹിത് ശർമ്മ (സി), യശസ്വി ജയ്സ്വാൾ, ശുഭ്മാൻ ഗിൽ, വിരാട് കോലി, കെ എൽ രാഹുൽ, സർഫറാസ് ഖാൻ, ഋഷഭ് പന്ത് (ഡബ്ല്യുകെ), ധ്രുവ് ജൂറൽ (ഡബ്ല്യുകെ), ആർ അശ്വിൻ, ആർ ജഡേജ, അക്സർ പട്ടേൽ, കുൽദീപ് യാദവ്, മൊഹമ്മദ്. സിറാജ്, ആകാശ് ദീപ്, ജസ്പ്രീത് ബുംറ, യഷ് ദയാൽ
