സാഫ് അണ്ടർ 20 ചാമ്പ്യൻഷിപ്പിൽ ഇന്ത്യ ബംഗ്ലാദേശിനോട് സെമിഫൈനലിൽ പരാജയപ്പെട്ട് പുറത്തായി. ഇന്ന് നടന്ന മത്സരത്തിൽ പെനാൽറ്റി ഷൂട്ടൗട്ടിൽ ആണ് ഇന്ത്യ പരാജയപ്പെട്ടത്. നിശ്ചിത സമയത്ത് ഇരു ടീമുകളും 1-1 എന്ന നിലയിലായിരുന്നു. പിന്നീട് നടന്ന പെനാൽറ്റി ഷൂട്ടൗട്ടിൽ 5-3-ന് ബംഗ്ലാദേശ് വിജയിക്കുകയായിരുന്നു.
ഇന്ത്യയെ സംബന്ധിച്ചിടത്തോളം വളരെ മോശം ഫലമാണിത്. ഇന്ത്യ നിശ്ചിത സമയത്ത് ആധിപത്യം പുലർത്തിയെങ്കിലും ഇന്ത്യക്ക് ഗോളുകൾ നേടാനാവാത്ത വലിയ തിരിച്ചടിയായി. 36ആ. മിനിറ്റിൽ അസദുൽ മുല്ല നേടിയ ഗോളിലാണ് ബംഗ്ലാദേശിൽ ലീഡ് എടുത്തത്. ഇന്ത്യക്ക് മറുപടി നൽകാൻ 75ആം മിനിറ്റ് വരെ കാത്തു നിൽക്കേണ്ടി വന്നു. റിക്കി മീതെ ആണ് ഇന്ത്യക്കായി ഗോൾ നേടിയത്. പിന്നീട് കളി പെനാൽറ്റി ഷൂട്ടൗട്ടിൽ എത്തിയപ്പോൾ ഇന്ത്യയുടെ രണ്ട് പെനാൽട്ടി കിക്കുകൾ പുറത്തു പോയു. ഇതോടെയാണ് ബംഗ്ലാദേശ് ഫൈനൽ ഉറപ്പിച്ചത്.
