ഇംഗ്ലണ്ട് ഫാസ്റ്റ് ബൗളർ മാർക്ക് വുഡ് ശ്രീലങ്കയ്ക്ക് എതിരായ ടെസ്റ്റ് പരമ്പരയിൽ നിന്ന് പുറത്തായതായി ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് സ്ഥിരീകരിച്ചു. പേശി വലിവ് കാരണം ആണ് താരത്തിന്റെ ശേഷിക്കുന്ന ടെസ്റ്റുകൾ നഷ്ടമാകുന്നത്. ആദ്യ ടെസ്റ്റ് മത്സരത്തിൻ്റെ രണ്ടാം ഇന്നിംഗ്സിൽ പരിക്ക് കാരണം വുഡ് ഫീൽഡ് വിട്ടിരുന്നു.
പകരക്കാരനായി 20 കാരനായ ജോഷ് ഹല്ലിനെ ECB ടീമിലേക്ക് എടുത്തു. കൗണ്ടി ക്രിക്കറ്റിൽ ലെസ്റ്റർഷെയറിന് വേണ്ടി കളിക്കുന്ന ഹൾ 2023 ഏകദിന കപ്പ് വിജയത്തിൽ പ്രധാന പങ്കുവഹിച്ചിരുന്നു. ലോർഡ്‌സിൽ ആണ് രണ്ടാം ടെസ്റ്റ് നടക്കുന്നത്.
