ലൊസന്നെ ഡയമണ്ട് ലീഗിൽ ഇന്ത്യയുടെ നീരജ് ചോപ്രയ്ക്ക് രണ്ടാം സ്ഥാനം. സീസണിലെ ഏറ്റവും മികച്ച ത്രോ നീരജ് ചോപ്ര എറിഞ്ഞെങ്കിലും ഒന്നാമത് ഫിനിഷ് ചെയ്യാൻ അദ്ദേഹത്തിനായില്ല. നേരത്തെ ഒളിമ്പിക്സിലും നീരജിന് രണ്ടാം സ്ഥാനത്താണ് ഫിനിഷ് ചെയ്യാൻ ആയത്.
നീരജ് ചോപ്ര ഇന്ന് തന്റെ അവസാന ത്രോയിൽ 89.49 മീറ്റർ ആണ് എറിഞ്ഞത്. ഒളിമ്പിക്സിൽ നീരജ് എറിഞ്ഞതിനേക്കാൾ വലിയ ത്രോ ആയിരുന്നു ഇത്. എന്നാൽ 90.61 മീറ്റർ എറിഞ്ഞ ആൻഡേഴ്സൺ പീറ്റേഴ്സ് ഒന്നാമത് ഫിനിഷ് ചെയ്തു. 87.08 മീറ്റർ എറിഞ്ഞ ജൂലിയൻ വെബർ മൂന്നാമതും ഫിനിഷ് ചെയ്തു.
ഒളിമ്പിക്സിൽ ഒന്നാമത് ഫിനിഷ് ചെയ്ത അർഷാദ് നദീം ലൊസന്നെ ഡയമണ്ട് ലീഗിൽ നിന്ന് പിന്മാറിയിരുന്നു.
