മലപ്പുറം യൂത്ത് ലീഗ് ഫുട്ബോൾ, എൻ എൻ എം എഫ് എ ചേലേമ്പ്രയും ഗോകുലം കേരള എഫ് സി യും ചാമ്പ്യന്മാർ. കാലിക്കറ്റ് യൂണിവേഴ്സിറ്റിയിൽ നടന്ന മലപ്പുറം ജില്ലാ യൂത്ത് ലീഗ് ഫുട്ബാൾ ചാമ്പ്യൻഷിപ്പിൽ ജൂനിയർ യൂത്ത് വിഭാഗത്തിൽ എൻ എൻ എം എഫ് എ ചേലേമ്പ്ര 4-0 ന് എം എസ് പി മലപ്പുറത്തെ പരാജയപ്പെടുത്തി ചാമ്പ്യന്മാരായി.
എലൈറ്റ് യൂത്ത് വിഭാഗത്തിൽ ഗോകുലം കേരള എഫ്സി 4-1 ന് ഫാൽക്കൺസ് വള്ളിക്കുന്നിനെ പരാജയപ്പെടുത്തി ചാമ്പ്യന്മാരായി.
ചാമ്പ്യൻഷിപ്പിലെ ജൂനിയർ വിഭാഗത്തിലെ നല്ല കളിക്കാരായി എൻ എം എഫ് എ ചേലേമ്പ്രയിലെ അസ്മലിനേയും എലൈറ്റ് വിഭാഗത്തിലെ നല്ല കളിക്കാരായി ഗോകുലം കേരള എഫ് സിയിലെ റഹ്മത്തുള്ള റബേത്തിനേയും തെരഞ്ഞെടുത്തു.
വിജയികൾക്കുള്ള ട്രോഫികൾ കെ എഫ് എ പ്രസിഡൻ്റ് ശ്രീ നവാസ് മീരാൻ വിതരണം ചെയ്തു. ചടങ്ങിൽ കാലിക്കറ്റ് യൂണിവേഴ്സിറ്റി ഫിസിക്കൽ എജ്യൂക്കേഷൻ ഡയറക്ടർ ഡോ. വി പി സക്കീർ ഹുസൈൻ, കെ എഫ് എ എക്സികുട്ടിവ് മെമ്പർ പ്രഫ. പി അഷറഫ്, എം ഡി എഫ് എ പ്രസിഡന്റ് ശ്രീ ജലിൽ മയൂര, സെക്രട്ടറി ഡോ. പി എം സുധീർകുമാർ, ട്രഷറർ ശ്രീ. നയീം, ജോ. സെക്രട്ടറി ശ്രീ സുരേഷ് സി, എക്സികുട്ടീവ് കമ്മിറ്റി മെമ്പർമാരായ മൻസൂർ അലി,ഡോ. ഷിഹാബുദ്ദീൻ, അബ്ബാസ് അലി, ഫിറോസ്, സി പി ഇ അസോ. പ്രഫസർ ഡോ. മുഹമ്മദലി പള്ളിയാളി, തെയമ്പാട്ടിൽ ഷറഫുദ്ദീൻ എന്നിവർ സംസാരിച്ചു.
