എഫ് സി ഗോവ അവരുടെ ടെക്നിക്കൽ ഡയറക്ടർ ആയി പെപ്പെ വില്ലാർ ബെറെംഗുവിനെ നിയമിച്ചു. അദ്ദേഹം മെത്തഡോളജി മേധാവിയായും ഗോവയിൽ പ്രവർത്തിക്കും.
23-ാം വയസ്സിൽ, എഫ്സി ബാഴ്സലോണയുമായി അഫിലിയേറ്റ് ചെയ്ത ഒരു ഫുട്ബോൾ സ്കൂളിൽ അദ്ദേഹം പരിശീലനം ആരംഭിച്ചു. അവിടെ എഫ്സി ഗോവയുടെ നിലവിലെ ഹെഡ് കോച്ചായ മനോലോ മാർക്വേസിനൊപ്പം ജോലി ചെയ്തു.
“മനോലോ മാർക്വേസിലൂടെ ഞാൻ എഫ്സി ഗോവയെ അറിഞ്ഞു, ക്ലബ്ബിൻ്റെ ലക്ഷ്യങ്ങൾ ഫുട്ബോൾ വികസനത്തെക്കുറിച്ചുള്ള എൻ്റെ കാഴ്ചപ്പാടുമായി തികച്ചും യോജിക്കുന്നുവെന്ന് മനസ്സിലാക്കി. ഗോവയിലെ ഫുട്ബോളിനോടുള്ള അഭിനിവേശം ഈ വെല്ലുവിളി സ്വീകരിക്കുന്നതിൽ നിർണായക ഘടകമായിരുന്നു.” പെപ്പെ വില്ലാർ ബെറെംഗു
