പാരീസ് ഒളിമ്പിക്സിൽ റീതിക ഹൂഡ മുന്നോട്ട്. ഇന്ന് 76 കിലോഗ്രാം ഗുസ്തിയിൽ ആദ്യ റൗണ്ടിൽ ഹംഗറി താരം ബെർനാഡറ്റ് നാഗിയെ ആണ് റീതിക തോൽപ്പിച്ചത്. 12-2 എന്ന സ്കോറിനായിരുന്നു റിതികയുടെ വിജയം. ഈ വിജയത്തോടെ റിതിക ക്വാർട്ടർ ഫൈനലിൽ എത്തി.
കഴിഞ്ഞ വർഷം അണ്ടർ 23 ലോക ചാമ്പ്യൻഷിപ്പിൽ റീതിക സ്വർണ്ണം നേടിയിരുന്നു. നേരത്തെ ഏഷ്യൻ ചാമ്പ്യൻഷിപ്പിൽ വെങ്കലവും റീതിക നേടിയിട്ടുണ്ട്. ഇന്ന് തന്നെ ക്വാർട്ടർ ഫൈനലിൽ ടോപ് സീഡ് ആയ മീഡറ്റ് കിസിയെ ആകും റീതിക നേരിടുക.
