പാരീസ് ഒളിമ്പിക്സിൽ വെങ്കല മെഡൽ സ്വന്തമാക്കി ഇന്ത്യൻ ഹോക്കി ടീം. ഇന്ന് വെങ്കല മെഡൽ സ്ഥാനത്തിനായുള്ള മത്സരത്തിൽ സ്പെയിനെ നേരിട്ട ഇന്ത്യ ഒന്നിനെതിരെ രണ്ടു ഗോളുകളുടെ വിജയമാണ് സ്വന്തമാക്കിയത്. തുടക്കത്തിൽ ഒരു ഗോളിന് പിറകിൽ പോയ ശേഷം തിരിച്ചടിച്ചായിരുന്നു ഇന്ത്യയുടെ വിജയം. ഇതോടെ പാരീസ് ഒളിമ്പിക്സിൽ ഇന്ത്യക്ക് നാല് മെഡലുകൾ ആയി.
ഇന്ന് ആദ്യ ക്വാർട്ടറിൽ 18ആം മിനുട്ടിൽ മാർക്ക് മിറാലസിലൂടെയാണ് സ്പെയിൻ ഗോൾ നേടിയത്. ഒരു പെനാൾട്ടി സ്ട്രോക്കിലൂടെ ആയിരുന്നു ഈ ഗോൾ. ക്യാപ്റ്റൻ ഹർമൻപ്രീത് സിംഗിന്റെ മികവിൽ ആണ് ഇന്ത്യ കളിയിലേക്ക് തിരികെ വന്നത്. രണ്ടാം ക്വാർട്ടറിന്റെ അവസാന മിനുട്ടിൽ ഒരു പെനാൾട്ടി കോർണറിൽ നിന്ന് ഇന്ത്യ സമനില ഗോൾ കണ്ടെത്തി.
മൂന്നാം പാദത്തിൽ മറ്റൊരു മികച്ച പെനാൾട്ടി കോർണറിൽ നിന്ന് ഹർമൻപ്രീത് ഇന്ത്യക്ക് ലീഡും നൽകി. താരത്തിന്റെ ഈ ഒളിമ്പൊക്സിലെ ഒമ്പതാം ഗോളായിരുന്നു ഇത്.
