ഡ്യൂറണ്ട് കപ്പിൽ കേരള ബ്ലാസ്റ്റേഴ്സിന്റെ രണ്ടാം മത്സരം ഇന്ന് നടക്കും. കേരള ബ്ലാസ്റ്റേഴ്സ് ഇന്ന് ഐ എസ് എൽ ക്ലബായ പഞ്ചാബ് എഫ് സിയെ ആകും നേരിടുക. പഞ്ചാബ് എഫ് സി അവരുടെ സീനിയർ ടീമും ആയാണ് ടൂർണമെന്റിന് എത്തിയത് അതുകൊണ്ട് കേരള ബ്ലാസ്റ്റേഴ്സിന് കഴിഞ്ഞ മത്സരത്തേക്കാൾ വലിയ വെലല്ലുവിളി ഇന്ന് നേരിടേണ്ടി വരും.
കഴിഞ്ഞ മത്സരത്തിൽ കേരള ബ്ലാസ്റ്റേഴ്സ് മുംബൈ സിറ്റിക്ക് എതിരെ ചരിത്ര വിജയം നേടിയിരുന്നു. എതിരില്ലാത്ത 8 ഗോളുകൾക്ക് ആയിരുന്നു കേരള ബ്ലാസ്റ്റേഴ്സ് വിജയിച്ചത്. ഇന്നും വിജയം തുടരുക ആകും ബ്ലാസ്റ്റേഴ്സിന്റെ ലക്ഷ്യം. ഇന്ന് വിജയിച്ചാൽ ബ്ലാസ്റ്റേഴ്സിന് നോക്കൗട്ട് റൗണ്ട് ഏതാണ്ട് ഉറപ്പിക്കാൻ ആകും.
ഇന്ന് വൈകിട്ട് 4 മണിക്ക് നടക്കുന്ന മത്സരം സോണി നെറ്റ്വർക്കിൽ കാണാം. ജിയോ ടി വി വഴിയും സോണി ലൈവ് വഴിയും സ്ട്രീം ചെയ്യാനും ആകും.
