മുൻ കേരള ബ്ലാസ്റ്റേഴ്സ് താരം പ്രശാന്ത് മോഹൻ ഇനി ഐലീഗ് ക്ലബായ ഇന്റർ കാശിക്ക് ഒപ്പം. പ്രശാന്ത് മോഹന്റെ സൈനിംഗ് ഇന്റർ കാശി ഇതിനകം തന്നെ പൂർത്തിയാക്കിയിട്ടുണ്ട്. പ്രശാന്ത് അവർക്ക് ഒപ്പം പരിശീലനവും ആരംഭിച്ചു. ഒരു വർഷത്തെ കരാറിലാണ് താരം ഇന്റർ കാശിയിൽ എത്തുന്നത്. പ്രശാന്ത് കഴിഞ്ഞ
സീസണിൽ പഞ്ചാബ് എഫ് സിക്ക് ആയായിരുന്നു കളിച്ചത്.
പ്രശാന്ത് കേരള ബ്ലാസ്റ്റേഴ്സ് വിട്ട ശേഷം ചെന്നൈയിനായും കളിച്ചിരുന്നു. മുമ്പ് അറ് സീസണുകളോളം പ്രശാന്ത് ബ്ലാസ്റ്റേഴ്സിന് ഒപ്പം ആയിരുന്നു. 2017ൽ കേരള ബ്ലാസ്റ്റേഴ്സിനായി അരങ്ങേറിയത് മുതൽ പ്രശാന്ത് ടീമിൽ സജീവമായുണ്ടായിരുന്നു. ബ്ലാസ്റ്റേഴ്സിനായി ഐ എസ് എല്ലിൽ 61 മത്സരങ്ങൾ കളിച്ചിട്ടുണ്ട്.
മുൻ ഇന്ത്യൻ അണ്ടർ 20 താരമാണ് പ്രശാന്ത് മോഹൻ. കോഴിക്കോട് സ്വദേശിയാണ് പ്രശാന്ത് മോഹൻ. ഇന്ത്യയെ അണ്ടർ 14, അണ്ടർ 16 വിഭാഗത്തിലും പ്രശാന്ത് മോഹൻ പ്രതിനിധീകരിച്ചിട്ടുണ്ട്.
