ഒളിമ്പിക്സ് ഫുട്ബോൾ മത്സരത്തിൽ അർജന്റീന ഇറാഖിനെ തോൽപ്പിച്ചു. ഇന്ന് നടന്ന മത്സരത്തിൽ ഒന്നിനെതിരെ മൂന്നു ഗോളുകൾക്കായിരുന്നു അർജൻറീനയുടെ വിജയം. ഗ്രൂപ്പിലെ ആദ്യ മത്സരത്തിൽ മൊറോക്കോയോട് തോറ്റ അർജൻറീനക്ക് ഈ വിജയം നിർണായകമാണ്.
ഒന്ന് മത്സരത്തിന്റെ പതിമൂന്നാം മിനിറ്റിൽ തിയാഗോ അൽമേദയിലൂടെ ആണ് അർജൻറീന ലീഡ് എടുത്തത്. ഹൂലിയൻ ആൽവരസ് ആണ് അർജൻറീനക്കായി ആ ഗോൾ ഒരുക്കിയത്. ആദ്യപകുതിയുടെ അവസാനം അയ്മൻ ഹുസൈൻ ആണ് ഇറാനായി സമനില നേടിയത്.
രണ്ടാം പകുതിയിൽ വിജയ ഗോളിനായി ആഞ്ഞു ശ്രമിച്ച അർജൻറീന 63ആം മിനിറ്റിൽ ലൂസിയാനോ ഗുണ്ടോയിലൂടെ രണ്ടാം ഗോൾ നേടി. അവസാനം ഇസെക്വേൽ കൂടെ അർജൻറീനക്ക് ആയി ഗോൾ നേടിയതോടെ അവർ വിജയം ഉറപ്പിച്ചു. ആൽവരസ് ആണ് ഈ ഗോളും ഒരുക്കിയത്
രണ്ടു മത്സരങ്ങൾ കഴിഞ്ഞപ്പോൾ അർജൻറീനമ്മ് മൂന്ന് പോയിന്റാണ് ഗ്രൂപ്പിൽ ഉള്ളത്. ഇനി അവസാന മത്സരത്തിൽ അർജൻറീന ഉക്രൈനെ ആകും നേരിടുക
