പാരീസ് ഒളിമ്പിക്സ് ആദ്യ ദിനം ഷൂട്ടിങ് ഇനത്തിൽ ഇന്ത്യക്ക് നിരാശയുടെ തുടക്കം. ഷൂട്ടിങ് 10 മീറ്റർ എയർ റൈഫിൾ മിക്സഡ് ഡബിൾസിൽ ഇന്ത്യക്ക് ആയി മത്സരിച്ച രണ്ടു ടീമുകൾക്കും മെഡലിന് ആയുള്ള മത്സരത്തിലേക്ക് മുന്നേറാൻ ആയില്ല. അർജുൻ ബാബുറ്റ, രമിത ജിൻഡാൽ സഖ്യം മികച്ച പ്രകടനം ആണ് നടത്തിയത് എങ്കിലും അവർക്ക് 628.7 പോയിന്റുകളും ആയി ആറാം സ്ഥാനത്ത് ആണ് എത്താൻ ആയത്. ആദ്യ നാലിൽ എത്തിയാൽ മാത്രമെ മെഡൽ മത്സരങ്ങൾക്ക് യോഗ്യത നേടാൻ ആവുമായിരുന്നുള്ളൂ.
അതേസമയം ഇന്ത്യക്ക് ആയി മത്സരിച്ച മറ്റൊരു ടീമായ സന്ദീപ് സിങ്, എലവെനിൽ വലറിവാൻ സഖ്യത്തിനും ആദ്യ നാലിൽ എത്താൻ ആയില്ല. 626.3 പോയിന്റുകൾ നേടാൻ ആയ അവർക്ക് 12 സ്ഥാനത്ത് ആണ് എത്താൻ ആയത്. അർജുൻ, രമിത സഖ്യത്തിന് ഒരു പോയിന്റ് വ്യത്യാസത്തിൽ ആണ് മെഡൽ നഷ്ടമായത്. കഴിഞ്ഞ ഒളിമ്പിക്സിൽ പ്രതീക്ഷിച്ച മികവ് പുറത്ത് എടുക്കാത്ത ഷൂട്ടർമാറിൽ നിന്നു ഇന്ത്യ ഇത്തവണ ഒരുപാട് പ്രതീക്ഷിക്കുന്നുണ്ട്.
