പുതിയ ടി20 റാങ്കിംഗിൽ മുന്നേറ്റം നടത്തി ഇന്ത്യൻ ഓപ്പണർമാരായ യശസ്വി ജയ്സ്വാളും ശുഭ്മൻ ഗില്ലും. ഇരുവരും സിംബാബ്‌വെ പര്യടനത്തിൽ തിളങ്ങിയിരുന്നു. ഐസിസി പുരുഷ ടി20 റാങ്കിംഗിൽ 743 പോയിൻ്റുമായി ജയ്സ്വാൾ നാല് സ്ഥാനങ്ങൾ മെച്ചപ്പെടുത്തി ആറാം സ്ഥാനത്തെത്തി. പാക്കിസ്ഥാൻ്റെ മുഹമ്മദ് റിസ്വാൻ, ബാബർ അസം എന്നിവർക്ക് തൊട്ടുപിന്നിലാണ് 22-കാരൻ ഇപ്പോൾ ഉള്ളത്.
ശുഭ്മാൻ ഗിൽ 36 സ്ഥാനങ്ങൾ മെച്ചപ്പെടുത്തി റാങ്കിംഗിൽ 37-ാം സ്ഥാനത്തെത്തി. റുതുരാജ് ഗെയ്‌ക്‌വാദ് എട്ടാം സ്ഥാനത്തും ഉണ്ട്.
ട്രാവിസ് ഹെഡ് ആണ് ടി20 റാങ്കിംഗിൽ ഒന്നാം സ്ഥാനത്ത് നിൽക്കുന്നത്. 797 പോയിൻ്റുമായി സൂര്യകുമാർ യാദവ് രണ്ടാം സ്ഥാനത്ത് തുടർന്നു. ഇംഗ്ലണ്ടിൻ്റെ ഫിൽ സാൾട്ടും ഇതേ പോയിൻ്റുമായി സ്കൈക്ക് ഒപ്പം ഉണ്ട്.
