ഇന്ത്യക്ക് ടോസ്, സായ് സുദർശൻ ടീമിൽ

സിംബാബ്‌വേക്ക് എതിരായ രണ്ടാം ടി ട്വന്റി മത്സരത്തിൽ ഇന്ത്യ ആദ്യം ബാറ്റ് ചെയ്യാൻ തീരുമാനിച്ചു. ടോസ് വിജയിച്ച ക്യാപ്റ്റൻ ഗിൽ ബാറ്റിംഗ് തിരഞ്ഞെടുക്കുകയായിരുന്നു. ഇന്നലെ ബൗളിംഗ് തിരഞ്ഞെടുത്ത ഇന്ത്യ പരാജയപ്പെട്ടിരുന്നു. അതാണ് ഇന്ന് ബാറ്റിംഗിലേക്ക് ഇന്ത്യ മാറാൻ കാരണം.

ഇന്നലെ പരാജയപ്പെട്ട ടീമിൽ നിന്ന് ഒരു മാറ്റം ഇന്ന് ഇന്ത്യ വരുത്തി. ബോളർ ഖലീൽ അഹമ്മദ് പുറത്തു പോവുകയും പകരം സായി സുദർശൻ ടീമിൽ വരികയും ചെയ്തു. ബാറ്റിംഗ് കൂടുതൽ ശക്തമാക്കേണ്ടതുണ്ട് എന്ന് തോന്നിയതുകൊണ്ടാണ് ഇത്തരമൊരു തീരുമാനം എന്ന് ടോസ് വിജയിച്ച ശേഷം ഗിൽ പറഞ്ഞു.

India (Playing XI): Shubman Gill(c), Abhishek Sharma, Ruturaj Gaikwad, Sai Sudharsan, Riyan Parag, Rinku Singh, Dhruv Jurel(w), Washington Sundar, Ravi Bishnoi, Avesh Khan, Mukesh Kumar