യൂറോ കപ്പ് 2024ൽ നിന്ന് ക്രിസ്റ്റ്യാനോ റൊണാൾഡോയും പോർച്ചുഗലും പുറത്ത്. ഇന്ന് നടന്ന ക്വാർട്ടർ ഫൈനലിൽ പോർച്ചുഗലിനെ കീഴ്പ്പെടുത്തി ഫ്രാന്ദ് സെമി ഫൈനലിലേക്ക് മുന്നേറി. നിശ്ചിത സമയത്തും എക്സ്ട്രാ ടൈമിലും ഗോൾ രഹിതമായി നിന്ന മത്സരത്തിൽ ഷൂട്ടൗട്ടിൽ ആയിരുന്നു ഫ്രാൻസിന്റെ ജയം.
അവസരങ്ങൾ സൃഷ്ടിക്കാൻ ഇരു ടീമുകളും ഏറെ പ്രയാസപ്പെട്ട മത്സരനായിരുന്നു ഇന്ന് കണ്ടത്. മികച്ച ഡിഫൻസീവ് അടിത്തറ കാത്ത രണ്ട് ടീമും ഗോൾ അടിക്കുന്നതിനെക്കാൾ ഗോൾ വഴങ്ങാതിരിക്കാൻ ആണ് ശ്രമിച്ചത്. നിശ്ചിത സമയത്തും എക്സ്ട്രാ ടൈമിലും ഗോൾ വന്നില്ല. തുടർന്ന് കളി ഷൂട്ടൗട്ടിലേക്ക് വന്നു.
ഷൂട്ടൗട്ടിൽ 5-3നാണ് ഫ്രാൻസ് ജയിച്ചത്‌. ജാവോ ഫെലിസ്കിന്റെ കിക്ക് ആണ് ലക്ഷ്യം കാണാതെ പോയത്. ഫ്രാൻസിനായി ഡെംബലെ, ഫൊഫാന, കൗണ്ടെ, ബാർകോള, തിയോ ഹെർണാണ്ടസ് എന്നിവർ കിക്ക് ലക്ഷ്യത്തിൽ എത്തിച്ചു.
പോർച്ചുഗലിനായി റൊണാൾഡോ, ബെർണാഡോ സിൽവ, നുനീ മെൻഡസ് എന്നിവർ ആണ് കിക്ക് ലക്ഷ്യത്തിൽ എത്തിച്ചത്. ഇനി സെമിയിൽ സ്പെയിനെ ആകും ഫ്രാൻസ് നേരിടുക.
