ലോകകപ്പ് സൂപ്പർ 8ലെ നിർണായക മത്സരത്തിൽ ആദ്യം ബാറ്റു ചെയ്ത അഫ്ഗാനിസ്താന് നേടാനായത് 115 റൺസ് മാത്രം. ഇന്ന് ജയിച്ചാൽ സെമിയിൽ എത്താമായിരുന്ന അഫ്ഗാനിസ്താൻ ഇതോടെ പ്രതിസന്ധിയിൽ ആയിരിക്കുകയാണ്‌. ഇപ്പോൾ ബംഗ്ലാദേശിനും സെമി സാധ്യത വന്നിരിക്കുകയാണ്. മത്സരം 12.1 ഓവറിലേക്ക് ജയിച്ചാൽ ബംഗ്ലാദേശ് റൺ റേറ്റിൽ ഓസ്ട്രേലിയയെയും അഫ്ഗാനെയും മറികടന്ന് സെമിയിൽ എത്തും.
ഇന്ന് ആദ്യം ബാറ്റു ചെയ്ത അഫ്ഗാനായി 43 റൺസ് എടുത്ത ഓപ്പണർ ഗുർബാസ് മാത്രമാണ് തിളങ്ങിയത്. സദ്രാൻ 18 റൺസും എടുത്തു. ബാറ്റിംഗ് ഏറെ ദുഷ്കരമായിരുന്ന മത്സരത്തിൽ അവസാനം റാഷിദ് ഖാൻ 10 പന്തിൽ 19 റൺസ് എടുത്തത് ആണ് അഫ്ഗാന് രക്ഷയായത്.
ബംഗ്ലാദേശിനായി റിഷാദ് ഹുസൈൻ 3 വിക്കറ്റുകൾ വീഴ്ത്തി. ഇപ്പോൾ മഴ കാരണം മത്സരം നിർത്തിവെച്ചിരിക്കുകയാണ്.
