ടി20 ലോകകപ്പ് സൂപ്പർ 8ലെ നിർണായക മത്സരത്തിൽ അമേരിക്കയെ നേരിടുന്ന ഇംഗ്ലണ്ട് മികച്ച ബൗളിംഗ് പ്രകടനം കാഴ്ചവെച്ചു. ഇന്ന് ആദ്യം ബാറ്റു ചെയ്ത അമേരിക്കയെ 115 റണ്ണിൽ ഒതുക്കാൻ ഇംഗ്ലണ്ടിനായി. മികച്ച റൺറേറ്റോടെ ജയിക്കേണ്ട ഇംഗ്ലണ്ട് ഇന്ന് കൃത്യമായ ഇടവേളകളി വിക്കറ്റ് എടുത്ത് അമേരിക്കയെ നല്ല സ്കോറിൽ എത്തുന്നതിൽ നിന്ന് തടഞ്ഞു.
30 റൺസ് എടുത്ത എൻ ആർ കുമാർ ആണ് അമേരിക്കയുടെ ടോപ് സ്കോറർ ആയത്. 29 റൺസ് എടുത്ത കോറി ആൻഡേഴ്സൺ, 21 റൺസ് എടുത്ത ഹർമീത് സിംഗ് എന്നിവരും അമേരിക്കയെ 110 കടക്കാൻ സഹായിച്ചു.
ഇംഗ്ലണ്ടിനായി ക്രിസ് ജോർദാൻ നാലു വിക്കറ്റും, സാം കറൻ, ആദിൽ റഷീദ്, എന്നിവർ രണ്ടു വിക്കറ്റ് വീതവും വീഴ്ത്തി. ജോർദാൻ അവസനം ഹാട്രിക്ക് നേടിയാണ് അമേരിക്കൻ ഇന്നിങ്സ് അവസാനിപ്പിച്ചത്.
