അടുത്ത മാസം ആദ്യം നടക്കുന്ന ഇന്ത്യയുടെ സിംബാബ്വെക്ക് എതിരായ പരമ്പരയിൽ വി വി എസ് ലക്ഷ്മൺ പരിശീലകൻ ആകും. വിവിഎസ് ലക്ഷ്മണും നാഷണൽ ക്രിക്കറ്റ് അക്കാദമിയിലെ അദ്ദേഹത്തിൻ്റെ സപ്പോർട്ട് സ്റ്റാഫും ആകും ജൂലൈ 6 ന് ആരംഭിക്കുന്ന അഞ്ച് മത്സരങ്ങളുടെ ടി20 ഐ പരമ്പരയ്ക്കായി സിംബാബ്വെയിലേക്കുള്ള ഇന്ത്യൻ ടീമിനെ അനുഗമിക്കുക എന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
പുതിയ പരിശീലകനായി നിയമിക്കപ്പെടുന്ന ഗൗതം ഗംഭീർ ശ്രീലങ്കൻ പര്യടനത്തിലൂടെ ആകും തന്റെ ജോലി ആരംഭിക്കുക. സിംബാബ്വേ പരമ്പരയ്ക്കുള്ള ടീമിനെ ജൂൺ 22-നോ 23-നോ പ്രഖ്യാപിക്കും. മുമ്പ് ദ്രാവിഡിന്റെ അഭാവത്തിൽ ഒന്നിൽ അധികം പരമ്പരകളിൽ ലക്ഷ്മൺ ഇന്ത്യയെ പരിശീലിപ്പിച്ചിട്ടുണ്ട്.
