ധോണി പിന്തുണയ്ക്കാൻ ഉള്ളത് റുതുരാജിന് ക്യാപ്റ്റൻ എന്ന നിലയിൽ വലിയ സഹായമാകുന്നുണ്ട് എന്നും അത് ഒരു ഭാഗ്യമാണെന്നും മുൻ ഓസ്‌ട്രേലിയൻ ബാറ്ററും നിലവിലെ സിഎസ്‌കെ ബാറ്റിംഗ് പരിശീലകനുമായ മൈക്കൽ ഹസി പറഞ്ഞു.
“ക്യാപ്റ്റൻ എന്ന നിലയിൽ റുതുരാജ് അതിശയകരമായ പ്രകടനമാണ് കാഴ്ചവെക്കുന്നത് എന്ന് ഞാൻ കരുതുന്നു. അദ്ദേഹം വളരെ ശാന്തനാണ്. ഭാഗ്യവശാൽ, കരിയറിൻ്റെ പ്രാരംഭ ഘട്ടത്തിൽ അദ്ദേഹത്തോടൊപ്പം ധോണി ഉണ്ട്. എംഎസ് ധോണി ഇപ്പോഴും അവിടെ അവനെ സഹായിക്കാൻ ഉണ്ട്. റുതുരാജിന് മികച്ച ക്യാപ്റ്റൻ ആയി മാറാൻ ഇതുകൊണ്ട് കഴിയും,” ഹസ്സി പറഞ്ഞു.
“അദ്ദേഹം ഇപ്പോൾ തന്നെ ഒരു മികച്ച ജോലി ചെയ്യുന്നുണ്ടെന്ന് ഞാൻ കരുതുന്നു. അദ്ദേഹത്തിന് മികച്ച ക്രിക്കറ്റ് ബുദ്ധുയുണ്ട്‌. അവൻ കളിക്കുന്ന രീതിയിൽ എപ്പോൾ മെല്ലെ ബാറ്റു ചെയ്യണം എപ്പോൾ കളി വേഗത്തിലാക്കണമെന്നെല്ലാൻ അദ്ദേഹത്തിന് അറിയാം. ” ഹസി കൂട്ടിച്ചേർത്തു
