യശസ്വി ജയ്സ്വാളിന് ഐപിഎൽ 2024 മികച്ച ഐ പി എലായിരിക്കും എന്ന് മുൻ ഇന്ത്യൻ വിക്കറ്റ് കീപ്പിംഗ് ബാറ്റർ റോബിൻ ഉത്തപ്പ. ജയ്സ്വാളിന് ക്രിക്കറ്റ് മാത്രമാണ് ജീവിതം എന്നും അങ്ങനെ ഒരു താരമാണ് ജയ്സ്വാൾ എന്നും ഉത്തപ്പ പറഞ്ഞു. അവൻ ക്രിക്കറ്റിൽ ജീവിക്കുന്നു, ക്രിക്കറ്റ് ശ്വസിക്കുന്നു, ക്രിക്കറ്റ് ഭക്ഷിക്കുന്നു. ഉത്തപ്പ പറഞ്ഞു.
കഴിഞ്ഞ സീസണിൽ 14 മത്സരങ്ങളിൽ നിന്ന് 48.07 ശരാശരിയിൽ 625 റൺസ് നേടാൻ ജയ്‌സ്വാളിനായിരുന്നു.
“2020ൽ യശസ്വി ആർആർആറിനൊപ്പം ഐപിഎല്ലിൽ എത്തിയപ്പോൾ ഞാൻ അദ്ദേഹവുമായി അടുത്ത് പ്രവർത്തിച്ചു. അവൻ ക്രിക്കറ്റ് ഭ്രാന്തനാണ്. അദ്ദേഹത്തിന് ക്രിക്കറ്റല്ലാതെ മറ്റൊന്നും അറിയില്ല.” ഉത്തപ്പ പറഞ്ഞു.
ഇപ്പോൾ ഇന്ത്യൻ ടീമിനായി ഗംഭീര പ്രകടനം നടത്തുന്ന ജയ്സ്വാൾ രാജസ്ഥാന്റെ ഈ സീസണിലെ പ്രധാന താരമായിരിക്കും. അടുത്തിടെ അവസാനിച്ച ടെസ്റ്റ് പരമ്പരയിൽ ഇംഗ്ലണ്ടിനെതിരെ 700ൽ അധികം റൺസ് നേടി ജയ്സ്വാൾ റെക്കോർഡ് ഇട്ടിരുന്നു.
