ഇംഗ്ലണ്ടിനെതിരായ പരമ്പര 4-1ന് ജയിച്ച രോഹിത് ശർമ്മയെയും ഇന്ത്യൻ ടീമിനെയും പുകഴ്ത്തി മുൻ ഇന്ത്യൻ താരം മുഹമ്മദ് കൈഫ്. ഇന്ത്യ ബാസ്ബോളിന്റെ പോരായ്മകൾ തുറന്നുകാട്ടി തന്നു എന്ന് കൈഫ് പറഞ്ഞു. അവസാന ടെസ്റ്റിൽ ഇംഗ്ലണ്ടിനെ ഇന്നിംഗ്‌സിനും 64 റൺസിനും തകർക്കാൻ ഇന്ത്യക്ക് ആയിരുന്നു. ട്വിറ്ററിൽ ആയിരുന്നു കൈഫിന്റെ പ്രതികരണം.
“ഒന്നാം തോൽവിക്ക് ശേഷം തുടർച്ചയായി 4 ടെസ്റ്റുകൾ ജയിച്ചതിലൂടെ രോഹിതിൻ്റെ ഇന്ത്യൻ ടീം ലോകത്തിലെ ഏറ്റവും മികച്ച ടീമാണെന്ന് തെളിയിച്ചു. രോഹിത് ശർമ്മയും ടീം ബാസ്‌ബോൾ എങ്ങനെ തുറന്നുകാട്ടി എന്ന് എല്ലാവരും ഓർക്കും. ഇന്ത്യ കളിച്ച ആക്രമണോത്സുകവുമായ ക്രിക്കറ്റ് ബ്രാൻഡ് ഞങ്ങൾക്ക് അഭിമാനം പകർന്നു,” കൈഫ് ‘എക്‌സിൽ’ പോസ്റ്റ് ചെയ്തു.
